شهيدات لقمة العيش
البقاء والدوام لله وحده
لله ما أخذ ولله ما أعطى وكل شيء بقدر
حزينة من كل قلبي وقلبي ينفطر على فتيات شهيدات لقمة العيش
البنات الجدعان البنت فيهم ب ١٠٠٠ راجل البنت فيهم مانزلتش على التيكً توك تفتح لايفً تتمنى ينزلها اسد ولا وردة دون جهد او تعب زي اولاد وبنات كتير
هم شهيدات لقمة العيش بنات بارك الله لهم يجاهدن من اجل التعليم ومساعدة اهاليهم دون كلل او ملل او رفض لأحوالهم التي نشأو فيها رغم أشكال الترف والنعيم بسبب اختراع السوشيال ميديا اللي خرب حياتنا هن اصرو ان يسلكوا طريق التعليم لتحسين مستواهم بجانب عملهم ومنهم من يعتبر في سن الطفولة فتيات بالمرحلة الإعدادية والثانوية والجامعة تبارك الرحمن ربنا حاميهم من أمراض الحضر
بنات تشاهد على السوشيال كل يوم فتاة في سنها تستعرض لبسها من أغلى الماركات وتصور حياة الرفاهية وهي بتطلب من دادي ٥٠٠٠ k
الله يجازي اهلهم اللي بيصورو تفاصيل حياتهم المرفهة دون وعي وعلى العكس في بنات بتساعد أهلها لتوفير لقمة العيش
ياريت نعلم اولادنا ان دي النماذج اللي تتصور ونتعلم منهم مش مجتمع الرفاهيات
ولا طفل في فيديو بيطلب من أبوه آخر إصدار بلاي استيشن ب يعدي ال ١٠٠٠ دولار
امتى كنا بنصور نفسنا واحنا بناكل ونلبس ونخرج ونصيف بدع دخلت خربت الحياة ونزعت البركة من البيوت
يا ترى تعرف ان محافظة المنوفية الأعلى نسبة تعليم في مصر ونسبة الاميه فيها صفر
وكل الناس فيها بتؤمن بأهمية التعليم
الفقير فيهم بيشقى ويشتغل وهو طفل ويكمل تعليمه
اسمحولي ألقى اللوم والعتاب على كبار البلاد
اللي في كل قرية ومركز ومحافظة
سبت بناتنا تسافر ليه ورا لقمة العيش
ومش كل حاجة هقول البلد والدولة لأننا لازم نعرف اننا فقراء وبلد نامية ومديونة وارد يقع مننا موضوعات كتيرة رغم أهميتها لضعف مواردنا
لكن أهل البلد اللي بيعملو كبار في كل مكان
احب أقولهم اتقي اللي في اهلك
ايوة أهل بلدك هما اهلك
فكر تعملهم مشروع صغير للشباب الصغير ده من داخل بيوتهم وسد احتياجهم وارحم بهدلة عيلة علشان ١٣٠ جنيه في اليوم
الصين عدت المليار نسمة وكله بيشتغل وأغلبه من البيوت
رحم الله شهيدات لقمة العيش
انتم فخر لنا لكم الجنة ولنا ان نتباهى بكم ونتمنى ان يتعلم منكم العالم
#رحاب_فارس