الوثيقة
”شيخ الجازولية” خلال تدشين المجلس الصوفي العالمي : رسالتنا محاربة التطرف ونشر الوسطية في مصر والعالمسيف البيان في براءة سيدي محيي الدين من البهتان ( الرب عبد والعبد رب) بقلم الدكتور أحمد بن عبدالخالق الشبراوي”عيون القلب” : خواطر إيمانية بقلم الشيخ عبدالرؤوف اليماني الحسني الحسيني شيخ صوفية الصينشيخ الطريقة الجازولية ينعى نجل رئيس حزب مسستقبل وطن ويقدم العزاء لأسرتهاحتفال مهيب للطريقة الليثية الهاشمية بمولد السيدة نفيسة بحضور علماء الأزهر وشيوخ التصوف (صور)المحاماة والثورة التكنولوجية نبراس من الحضور الإقليمي إلى آفاق الخدمات القانونية العالمية.... بقلم المستشار أحمد شعراويبعد غدٍ.. سلطنةُ عُمان تحتفلُ باليوم الوطنيّ وسط إنجازات تحققت على جميع المستوياتبحضور شيخها ...الجازولية تحتفل بمولد السيدة نفيسة بمسجدها (صور)حسام أشرف زغلول: الاقتصاد الأزرق قاطرة النمو في 2027 و«إمكان IMKAN» تعظّم العائد الاقتصادي لنهر النيل عبر الإدارة الذكية للأصول السياحيةمحمد ثروت هيكل: تنسيق إقليمي ودولي لتجفيف منابع تمويل الجماعات الإرهابية وتقليص قدراتها”من القاهرة اليوم إلى مطارات أمريكا”.. وفاء حامد تثير الجدل بعد تحقق توقعاتها بشأن توقف الرحلات الجوية«آل البيت» للرخام والجرانيت تشارك في «ستون أفريقيا 2026» وسط طفرة تصديرية وتوسعات دولية مرتقبة
الرأي الحر

دكتورة دينا المصري تكتب.. مراية كدابة ولا منصة مفيدة؟

الإعلامية والمحررة الدكتورة دينا المصري
الإعلامية والمحررة الدكتورة دينا المصري

احنا بقينا نعيش علي السوشال ميديا اكتر مابنعيش في الواقع .
بنصحي نفتح الموبايل ونرجع ننام تاني عليه,
نضحك ,
ونعيط ,
ونتخانق ,
ونحب ,
ونتجوز,
وكل ده من ورا الشاشه :
بس السوال هنا بقي هل احنا بنستخدمها صح ؟
ولا بقينا عبيد ليها واحنا مش واخدين بالنا ؟
..فين الغلط فينا ولا فيها ؟
الحقيقه ان السوشال ميديا مش وحشه في حد ذاتها ,
لاكن الاستخدام الغلط هو الي خلاها خطر علينا وعلي علاقتنا ونفسيتنا :
..من ابرز سلبيات السوشال ميديا ..
1
المقارنه القاتله :
طول الوقت بنشوف الناس
مبسوطه,
بتسافر ,
بتضحك ,
عايشه حياه شكلها مثالي :
فنبدا نقارن ونقول :
ليه انا مش كده ؟
ونبدا نحس بالنقص ,برغم ان الي بنشوفه ده كله مش دايما حقيقي ..
2
ادمان اللايكات والتعليقات:
بقينا بنعيش علي عدد اللايكات والتعليقات ,
بنحس ان قيمتنا من تفاعل الناس,
ولما يكون مفيش تفاعل نبدا نحس اننا مش مهمين.
3
الفصفضه في المكان الغلط :
ناس كتير بتفكر ان البوستات بتعالج وجعها,
فنكتب وتفضح اسرارنا ومشاكلنا قدام ناس مش بتفهم ولا بتهتم.
4
التنمر والحكم علي الغير:
بقي سهل اوي نهاجم حد,
او نشتم او نجرح بعض من ورا كيبورد,
من غير ماتحس انك بتاذي بجد.
5
تضييع الوقت والطاقه:
ممكن نقعد بالساعات تلف وندور علي فيديوهات ملهاش اي معني ,
في المقابل بننسي حاجات تانيه مهمه كان المفروض نعملها في يومنا..
,,
طب امتي السوشال ميديا تكون مفيده وصالحه؟
..لما نستخدمها بعقل وهدف حقيقي,
..لما نستفيد من محتوي يعلمنا او يوسع تفكيرنا,
..لما نتابع ناس تلهمنا مش تحسسنا بالنقص,
..لما تبقي وسيله للتواصل حقيقي مش للتمثيل والادعاء..
السوشال ميديا ممكن تبقي
منصه شغل ,
مصدر دخل,
وسيله لتوصيل رساله قويه ,
او حتي مكان نلاقي فيه ناس شبهنا بجد ويدعمونا,
..
..نعمل ايه عشان نتجنب سلبياتها..
1
.فلتر الناس الي بتتابعهم,
تابع الي بيريحك مش الي بيخنقك والي بيدي طاقه مش الي ياخدها منك ,
2
حدد وقت معين للمتابعه.
حدد لنفسك وقت تدخل فيه وبعد كده اقفل ..
حياتك بره الشاشه اهم .
3
ماتحكيش كل حاجه,
احتفظ بحاجاتك الشخصيه لنفسك,
مش كل الناس هتفهم ,
ومش كل الناس تتمني لك الخير.
4
متقارنش نفسك بحد :
كل واحد ليه حياته وظروفه ,
واعرف ان الي بيظهرلك مش دايما الحقيقه كلها.
5
استخدمها كاداه ..مش كحياه:
خليها وسيله مش غايه ,
حياتك الحقيقيه هي الي حواليك مش الي علي الشاشه,
,,كلمتي الاخيره,,
السوشال ميديا شبه السكينه ,
ممكن تطبخ بيها ,
وممكن تجرح نفسك بيها .
الفرق هنا في ازاي بنستخدمها؟
اختار تكون صاحب قرارك,
مش تابع للترند,
ولا عبده اللايك ,
..خليك انت الاصل والباقي تفاصيل ..

الإعلامية والمحررة الدكتورة دينا المصري

دينا المصري
⇧

الرأي الحر

الفيديو