دكتورة دينا المصري تكتب.. الرجولة راحت فين
الرجوله راحت فين ؟
ومين هو الراجل الحقيقي.
في زمن اتلخبطت فيه القيم,
وبقي كل حاجه بالمنظر والكلام,
يبقي السؤال الكبير الذي يطرح نفسه :
........
هي فين الرجاله الي كان بيتقال عنهم
“كلمة الراجل” سيف”
دلوقتي كتير من الستات وحتي الرجاله نفسهم بقو مش لاقيين المعني الحقيقي للرجوله.
وناس كتير فاكره ان الرجوله في الصوت العالي او العضلات او الفلوس,
او حتي العلاقات الي بيعملها الراجل.
لكن الحقيقه ان ده كله ملوش علاقه بالرجوله.
الرجوله مش انك تفرض سيطره وتقول “انا راجل”
الرجوله مش انك توعد وتخلف ,
لكن انك تبقي مسؤول وتحافظ علي الي بيحبك,
تدي امان مش خوف.
الراجل الحقيقي هو الي لما يتكلم الناس تصدقه,
ولما يوعد ينفذ,
ولما يلاقي ست جنبه يصونها ويحترمها ويقدر تعبها ومشاعرها.
هو الي يكون اب بجد لاولاده مش مجرد اسم في شهادة الميلاد.
دلوقتي بقينا نشوف كتير من “الذكور”
الي شايفين الرجوله في السيطره,
او انهم يعشموا ويخلوويضيعوا وقت الناس,
او حتي يتهربو من اول مسؤوليه تواجههم.
دول بيكونو مجرد صوره من بره,
لكن من جوه فاضيين.
الازمه مش في نقص الرجاله, لكن في غياب المعني “الرجوله “مش وراثه ولا كلمه بتتقال,
هي فعل بيتكرر كل يوم.
والمجتمع بقي محتاج يعيد تعريفها من جديد:
الرجوله يعني صدق.
الرجوله يعني مسؤوليه.
الرجوله يعني امان.
الرجوله يعني احترام.
لما الصفات دي تختفي بيختفي معاها المعني كله,
ويتحول الراجل لمجرد ذكرملوش اي اثر.”
راي الخبراء:
..................
دكتور علم النفس الاجتماعي :
محمود عبد الغني بيقول:
المجتمع الحديث بيعاني من ازمة قيم,
اهمها ان الرجوله بقت مرتبطه بالفلوس والسلطه,
وده خلي كثير من الشباب يبعدوا عن الجوهر الحقيقي للرجوله,
وهو “الالتزام والمسؤوليه.”
اما الدكتوره هاله اسماعيل :استاذة علم الاجتماع, فاكدت ان:
الاسر دلوقتي محتاجه تربي اولادها علي معني الرجوله مش الذكوره.
الرجوله هي انك تحافظ علي غيرك قبل نفسك,
مش انك تفرض سيطرتك وتقول (انا راجل).
...........
(ارقام ودلالات)
................
احصائيه حديثه (2024) اظهرت ان 65% من النساء في العالم العربي شايفين ان الرجوله الحقيقيه قلت في العلاقات والزواج مقارنة بالجيل القديم.
وفي نفس الاستطلاع 70 %من الرجال نفسهم اعترفوا انهم مش قادرين يكونوا بنفس قوة ومسؤولية ابائهم,
بسبب ضغوط الحياه والظروف الاقتصاديه.
-
(اخيرا)
........
الرجوله مش في الشكل ولا في القوه,
الرجوله في الموقف.
والسؤال الي لازم نساله لنفسناهو:
امتي هنلاقي الرجاله الي كلمتهم عقد,
ووجودهم امان,
وافعالهم قبل كلامهم؟
ولا هنفضل نقول الرجوله راحت فين”
ونسيب الزمن يسرق المعني اكثر واكثر؟.
الكاتبة والمحررة الإعلامية الدكتورة دينا المصري
