لما يجيلك إحساس إنك تفضفض… اسكت، اسكت قبل ما تحكي كل اللي جواك، واسأل نفسك سؤال واحد: هستفيد إيه؟، يمكن لو ما اتحسدتش تتـفـضـح، ولو ما اتفضحـتش تلاقي حد مـسك عليـك كلمة، ولو محدش مـسك عليك كلمة يبقى الناس كلها عرفت تفاصيل حياتك.

طب ليه من البداية؟

ناس كتير أول ما تتعب أو تتضايق تدور على حد تحكيله، وهي فاكرة إن الراحة في الفضفضة، بس الحقيقة إن مش كل اللي بيسمعك بيحبك، ومش كل اللي بيطبطب عليك أمين على أسرارك، في ناس فضولها أكبر من حبها ليك، وناس بتسأل علشان تعرف، مش علشان تساعد، لو محتاج ترتاح فضفض لربنا، اللي خلقك أدرى بوجعك، وأرحم بيك من أي حد، وأقدر على حل مشكلتك من أي إنسان.

ربنا بيقول: “فادعوني أستجب لكم”، وبيقول: “وإذا سألك عبادي عني فإني قريب” وبيقول: “اذكروني أذكركم”، كل آية فيهم رسالة طمأنينة ليك إن باب ربنا مفتوح، وإنك مش محتاج تروح تدور على حد يفهمك قبل ما تروح لربنا، كم واحد فضفض وبعدها ندم؟، وكم سر خرج وقت ضعف، ورجع لصاحبه وجـ ـع العـمر كلـه؟، ارجع لربنا في اللي وجعك، وفي اللي مخوفك، وفي اللي شاغل بالك، لأن الإنسان مهما كان قريب منك يفضل إنسان، أما ربنا سبحانه وتعالى فهو السميع، القريب، اللي لا يفـضـحك، ولا يخذلك، ولا يتركك.

الخلاصة: مش كل وجع يتحكي للناس، في وجع مكانه السجدة، والدعوة، وبينك وبين ربنا وبس.

الكاتبة والمحررة الإعلامية الدكتورة دينا المصري