الناس اللي بتحب تقعد في البيت مش مملة… الناس دي غالبًا أعمق بكتير من اللي حواليها.

في ناس أول ما ترفض الخروج كتير… يتقال عليها معقدة أو انطوائية أو “مالهاش في الناس” مع إن الحقيقة مختلفة تمامًا، لأن فيه فرق كبير بين شخص هارب من الحياة… وشخص مرتاح مع نفسه ومش محتاج دوشة طول الوقت علشان يحس إنه عايش.

1️⃣ أول صفة فيهم… الثقة بالنفس والاكتفاء الذاتي
الناس دي مش محتاجة تزاحم كل يوم، ولا تستنى حد يسلّيها علشان تكون مبسوطة، هي تعرف تعيش مع نفسها براحة… وده شيء مش سهل أبدًا.

2️⃣ تاني صفة… التوازن النفسي يعرف إمتى يختفي شوية وإمتى يظهر، العزلة بالنسبة له مش اكتئاب ولا هروب، دي راحة مؤقتة يعيد فيها ترتيب عقله وقلبه بعيد عن الزحمة والضوضاء.

وغالباً النفس بيسمّي النوع ده “الانطواء الإيجابي”، يعني شخص يعرف يستمتع بوقته لوحده… من غير ما الوحدة تأذيه أو تكسره.

3️⃣ تالت صفة… إنه انتقائي جدًا في علاقاته ما يهموش عدد الناس اللي حواليه،
يهمه مين الحقيقي ومين المؤذي، وممكن يكتفي بشخص أو اتنين بس… لكن يكونوا أمان بجد.

4️⃣ رابع صفة… إنه يميل للهدوء والبساطة يعشق ريحة القهوة، وصوت البحر، والأماكن الهادية، ويقدّر الصدق والراحة النفسية أكتر بكتير من الاستعراض والمظاهر الكدابة.

مش كل اللي بيقعد في البيت وحيد… أوقات بيكون مرتاح أكتر من ناس وسط ألف شخص، لأن السلام النفسي… أهم من الزحمة اللي مالهاش معنى.

الكاتبة والمحررة الإعلامية الدكتورة دينا المصري