كشفت الفنانة هنادي مهنا كيف أثر المحشي والمسقعة على حياتها، مشيرة إلى أن الإكثار من تناولهما أدى إلى زيادة وزنها.
وعن سر رشاقتها وخسارة وزنها، أوضحت أنها كانت في إسبانيا خلال فترة الجامعة تتحرك بشكل كبير وكانت رشيقة.

وتابعت خلال حوارها إلى برنامج «كلمة أخيرة» الذي تقدمه الإعلامية لميس الحديدي على قناة «ON»: «لما جيت مصر كان فيه دلع كتير أوي، محشي وحمام ومسقعة ودي حاجات مينفعش تتساب وماتتكلش».
وأضافت: «كنت بدرس في إسبانيا في مجال هندسة الصوت بمجال الموسيقى لأني كنت بحب المزيكا أوي، وكان حلمي إني أغني قبل التمثيل واكتسبت ده من الجينات من والدي، ولما جيت مصر اشتغلت مُدرّسة ودرّست كذا حاجة وكنت فاتحة شركة مع بابا وأنا بحب أشتغل من صغري حتى في الصيف من صغري ومش بحب أقعد في البيت».
وقالت: «لما اشتغلت ممثلة مكنتش مستوعبة طبيعة الشغلانة، وإن الشغل موسمي ممكن يبقى مكثف شهرين متتالين ثم شهرين آخرين قاعدين في البيت مش بنعمل حاجة، ودي كانت حاجة بالنسبة لي فيها إحساس غريب، وكنت بقول فيه حاجة غلط لأني متعودة على الشغل اليومي وإني أنام وأصحى عشان ورايا شغل».